الاثنين، 22 أكتوبر، 2012

: L`Occitane Red Rice :


السلام عليكم و رحمة الله و بركاته

حبيت اعرض تجربتي مع بعض مستحضرات العناية بالبشرة من لوكسيتان
أنا بشرتي مختلطة/دهنية: دهنية عند الجبين و الأنف
 (T-zone أو ما يسمى بالـ)
و جافة عند بقية أجزاء الوجه, فالبتالي اخترت مجموعة
 الأرز الأحمر المناسبة لنوع بشرتي.



نبدأ بغسول الوجه..
 ماشاء الله الغسول لطيف جداً و يتحول لرغوة بسرعة بس حسافة كنت
 استخدم كمية كبيرة و هذا غلط و هالشي خلاني اخلصه بسرعة خخ
 بعد الإستعمال بشرتي اتكون ناعمة
(لأنه خالي من الصابون)
 و احس ان جلدي نظيف و نضر ^_^
ينفع بعد لغسل المكياج من على الوجه.

للأسف ما اتذكر سعره بس مب وايد غالي.
تقييمي له: ممتاز و يستحق الشراء مراراً و تكراراً هع






الصراحة أنا ما استخدم أي تونر لأني احس انه ما يسوي لبشرتي شي و السبب الثاني اني كنت أكرههم لأن
 معظمهم مادري اشلون اتكون فيهم ريحة قوية مثل الدواء او الكحول و عيوني تحرقني.
 المهم شريته عشان كنت ابي الاقي شي طبيعي يحل لي مشكلة الدهون على وجهي.

تقييمي: عادي و حلو لأنه ما في ريحة قوية لكن ممكن استغني عنه
سعره 99 ريال قطري



أهم شي ترطيب البشرة بعد الغسول.
 طلع خفيف و يترك البشرة ناعمة و غير دهنية بحيث ان سطح الجلد يكون مطفي .
  هو مثل الغسول, يحتاج بس انطلع كمية بسيطة و نستخدمها

 (طبعاً مو مثل ما سويت في الصورة ههه). 

ما اتذكر السعر >.<"
تقييمي: رااائع





قناع الأرز الأحمر.. ريحته اتلوع الجبد و ما ينغسل بكل سهولة
 لكن النتيجة رائعة مثل الغسول.

ما اتذكر السعر.
تقييمي: رائع


تتميز هاذي المجموعة بأنها خالية من:

 البارابين      Parabens
كحول الفينيل  Phenyol alcohol
المكونات الحيوانية  Animal ingredients
الملونات   Synthetic colorants
الفورمول و مشتقاته  formol or formaldehyde
التريكلوسان  Triclosan
ال BHA ال BHTوال EDTA
(مع ان الغسول فيه مادة السيلفايت sulfate)
:/



أخيراً, أوراق لإزالة الدهون. طبعاً إذا كنا في بيئة فيها حر و رطوبة لازم
 تطلع أشياء عجيبة من الوجه هههه فما بنقدر انقول ان الأوراق ما تنفع. 

ما اتذكر سعره بالضبط بس اذكر اني تضايقت لأنه غالي و الكمية قليلة.
تقييمي: عادي و ممكن نشتري اي شي بسعر اقل و يعطي نفس النتيجة


هذا الرابط لمجموعة الأرز الأحمر الكاملة و بتلاحظون ان في شي معين ما شريته هع (بس جذي) تفضلوا:


محل لوكسيتان موجود في فيلاجيو و في رويال بلازا و اللاندمارك

دمتم سالمين :D

هناك 7 تعليقات:

  1. Great product.^^
    Maybe follow each other???My Blog



    ردحذف
    الردود
    1. Thanks dear. Wow your blog is great, very nice OOTDs.
      I'm glad you liked the products :D

      حذف
  2. A7eb loccatine! bs elli 3ndna fi 3oman tsakkar :(
    Thanks for the review

    3>
    Followed
    Arwasblogpage.blogspot.com

    ردحذف
    الردود
    1. أفااا خسارة!! دخلت موقعهم للشرق الأوسط على الفيسبوك و فعلاً ما لقيت عمان في القائمة. :(
      تواصلي معاهم, يمكن لما يشوفون عدد كبير من المحبين بيفكرون يفتحون مرة ثانية هع.
      مشكورة و تسلمين يا اخني أروى.

      حذف
  3. I will have to try this inshAllah

    ردحذف
    الردود
    1. Insha'Allah, I hope you like it and I'll look forward for your review :)

      حذف
  4. عندي الغسول من هالمجموعه رهيب حيل
    لكن ماجربت الماسك ولا اللوشن لان عندي منتجات من شركات ثانيه ابي اخلصهم
    حمستيني اجيب الباقي $_$

    ردحذف