كنت دايماً أمر على هالمحل و أخيراً قررت اشتري بعض المستحضرات.
محل إنقلوت موجود في حياة بلازا, عند البوابة رقم 1 صوب المحل الياباني دايسو.
أول شي نبدأ مع الظل للعيون. نوعت فيهم بحيث شريت اللي فيه لمعة و المطفي.
حبيت نظام الـ
Freedom system
عندهم بحيث انك تختارين الألوان اللي تبينها و معاها الـ
Palette
و ادخلين فيهم ظل العيون على شكل مربع أو دائري و يثبت فيه بالمغناطيس.
طبعاً بيكون سهل استخراجه لأنه مغناطيس و تقدرين تقرين اسم الظل من تحت.
و هالنظام موجود بعد لأحمر الشفاه و البلاش للخدود و الكونسيلر.
صورتين للشادو على ايدي بالإضائة العادية و مع الفلاش. بتلاحظون اشلون الألوان
اطلعت بارزة بشكل أكبر و حبيت اشلون انه يناسب بشرتي السمرة هع.
طبعاً لون ايديني اقمج بكثير من وجهي بس بعد احس انه بيطلع حلو ^_^
الصراحة وايد حلو و تمتزج الألوان بكل سهولة مع بعضها على العين.
قررت أضيف لون أحمر جريء لمجموعتي من الليب ستك و اخترت هذا.
فيه لمعة خفيفة و يحتوي على فيتامين إي للترطيب و خالي من المواد الضارة مثل البارابين
و لا يتم إختبار هذه المستحضرات على الحيوانات كما هو موضح في الموقع.
الشي الثاني اللي شريته للشفايف هو قلم "أحمر الشفاه" المطفي بالحجم الكبير.
لونه يجنن !
يطلع حلو بروحه او مع طبقة من القلوس فوقه
أو بس إستخدام قلوس شفاف هع حق اللي اتحب هالأشياء
Swatch
على ايدي بالفلاش.
نسيت اصور بدون الفلاش هههه
إنقولت من بولندا و معروفة بالمنتجات العالية في الجودة في مستحضرات المكياج و طلاء الأظافر بأسعار جيدة.
تجدون في هذا الرابط بعض من الأفرع الموجودة في العالم و الخليج و دمتم سالمين ^_^
اصباغهم الاظافر وايد حلوين
ردحذفو عندهم اصباغ خاصه بالرسم
الفرشه تكون ضعيفه .. ممتازين
عليج بالعافيه الاشياء اللي شريتهم !
الله يعافيج و يسلمج..
حذففي وايد ناس يمدحون طلاء الأظافر عندهم بس انا بشكل عام ما احب هالأشياء أصلاً هع..
الصراحة ما فكرت أجوف الفرش اللي عندهم بس إن شاء الله المرة الياية اسوي إكتشاف
كامل للمحل هع..
تسلمين..