الاثنين، 22 أكتوبر، 2012

: L`Occitane Red Rice :


السلام عليكم و رحمة الله و بركاته

حبيت اعرض تجربتي مع بعض مستحضرات العناية بالبشرة من لوكسيتان
أنا بشرتي مختلطة/دهنية: دهنية عند الجبين و الأنف
 (T-zone أو ما يسمى بالـ)
و جافة عند بقية أجزاء الوجه, فالبتالي اخترت مجموعة
 الأرز الأحمر المناسبة لنوع بشرتي.



نبدأ بغسول الوجه..
 ماشاء الله الغسول لطيف جداً و يتحول لرغوة بسرعة بس حسافة كنت
 استخدم كمية كبيرة و هذا غلط و هالشي خلاني اخلصه بسرعة خخ
 بعد الإستعمال بشرتي اتكون ناعمة
(لأنه خالي من الصابون)
 و احس ان جلدي نظيف و نضر ^_^
ينفع بعد لغسل المكياج من على الوجه.

للأسف ما اتذكر سعره بس مب وايد غالي.
تقييمي له: ممتاز و يستحق الشراء مراراً و تكراراً هع






الصراحة أنا ما استخدم أي تونر لأني احس انه ما يسوي لبشرتي شي و السبب الثاني اني كنت أكرههم لأن
 معظمهم مادري اشلون اتكون فيهم ريحة قوية مثل الدواء او الكحول و عيوني تحرقني.
 المهم شريته عشان كنت ابي الاقي شي طبيعي يحل لي مشكلة الدهون على وجهي.

تقييمي: عادي و حلو لأنه ما في ريحة قوية لكن ممكن استغني عنه
سعره 99 ريال قطري



أهم شي ترطيب البشرة بعد الغسول.
 طلع خفيف و يترك البشرة ناعمة و غير دهنية بحيث ان سطح الجلد يكون مطفي .
  هو مثل الغسول, يحتاج بس انطلع كمية بسيطة و نستخدمها

 (طبعاً مو مثل ما سويت في الصورة ههه). 

ما اتذكر السعر >.<"
تقييمي: رااائع





قناع الأرز الأحمر.. ريحته اتلوع الجبد و ما ينغسل بكل سهولة
 لكن النتيجة رائعة مثل الغسول.

ما اتذكر السعر.
تقييمي: رائع


تتميز هاذي المجموعة بأنها خالية من:

 البارابين      Parabens
كحول الفينيل  Phenyol alcohol
المكونات الحيوانية  Animal ingredients
الملونات   Synthetic colorants
الفورمول و مشتقاته  formol or formaldehyde
التريكلوسان  Triclosan
ال BHA ال BHTوال EDTA
(مع ان الغسول فيه مادة السيلفايت sulfate)
:/



أخيراً, أوراق لإزالة الدهون. طبعاً إذا كنا في بيئة فيها حر و رطوبة لازم
 تطلع أشياء عجيبة من الوجه هههه فما بنقدر انقول ان الأوراق ما تنفع. 

ما اتذكر سعره بالضبط بس اذكر اني تضايقت لأنه غالي و الكمية قليلة.
تقييمي: عادي و ممكن نشتري اي شي بسعر اقل و يعطي نفس النتيجة


هذا الرابط لمجموعة الأرز الأحمر الكاملة و بتلاحظون ان في شي معين ما شريته هع (بس جذي) تفضلوا:


محل لوكسيتان موجود في فيلاجيو و في رويال بلازا و اللاندمارك

دمتم سالمين :D

الجمعة، 12 أكتوبر، 2012

Addoony :: Beauty Shop



موقع رائع للتبضع لمنتجات غير متوفرة في قطر مثل

Sigma  -  NARS  - Real Techniques  -  Illamasqua  - Sleek Makeup  -  Laura Mercier - Obsessive Compulsive Cosmetics 

و غيرها الكثير. اشتريت من عندها من قبل و ماشاء الله الخدمة ممتازة و سريعة.

الموقع

الإنستقرام

الخميس، 11 أكتوبر، 2012

: I N G L O T :

كنت دايماً أمر على هالمحل و أخيراً قررت اشتري بعض المستحضرات.
محل إنقلوت موجود في حياة بلازا, عند البوابة رقم 1 صوب المحل الياباني دايسو.

أول شي نبدأ مع الظل للعيون. نوعت فيهم بحيث شريت اللي فيه لمعة و المطفي.
حبيت نظام الـ 
Freedom system
عندهم بحيث انك تختارين الألوان اللي تبينها و معاها الـ 
Palette
و ادخلين فيهم ظل العيون على شكل مربع أو دائري و يثبت فيه بالمغناطيس.
طبعاً بيكون سهل استخراجه لأنه مغناطيس و تقدرين تقرين اسم الظل من تحت.

و هالنظام موجود بعد لأحمر الشفاه و البلاش للخدود و الكونسيلر.


صورتين للشادو على ايدي بالإضائة العادية و مع الفلاش. بتلاحظون اشلون الألوان
اطلعت بارزة بشكل أكبر و حبيت اشلون انه يناسب بشرتي السمرة هع.
طبعاً لون ايديني اقمج بكثير من وجهي بس بعد احس انه بيطلع حلو ^_^

الصراحة وايد حلو و تمتزج الألوان بكل سهولة مع بعضها على العين.



قررت أضيف لون أحمر جريء لمجموعتي من الليب ستك و اخترت هذا. 
فيه لمعة خفيفة و يحتوي على فيتامين إي للترطيب و خالي من المواد الضارة مثل البارابين
و لا يتم إختبار هذه المستحضرات على الحيوانات كما هو موضح في الموقع.


الشي الثاني اللي شريته للشفايف هو قلم "أحمر الشفاه" المطفي بالحجم الكبير.
لونه يجنن !

يطلع حلو بروحه او مع طبقة من القلوس فوقه
أو بس إستخدام قلوس شفاف هع حق اللي اتحب هالأشياء


Swatch
على ايدي بالفلاش.
نسيت اصور بدون الفلاش هههه



إنقولت من بولندا و معروفة بالمنتجات العالية في الجودة في مستحضرات المكياج و طلاء الأظافر بأسعار جيدة.
تجدون في هذا الرابط بعض من الأفرع الموجودة في العالم و الخليج و دمتم سالمين ^_^


السبت، 6 أكتوبر، 2012

: NAF NAF :


Cute shop at Hyatt Plaza
Go check it out ^_^