الثلاثاء، 25 ديسمبر 2012

:: BOOK FAIR ::


السلام عليكم و رحمة الله و بركاته

أنا كنت وايد متحمسة لمعرض الكتاب الدولي هالسنة لأن ضيف الشرف من اليابان

للأسف ما قدرت احضر كل الأحداث الخاصة للقسم الياباني
لكن الحمدلله قدرت اشتري مانجا من قسم مكتبة كينوكونيا لفرع دبي

هذا الجدول للفعاليات اللي صارت في الجناح الياباني



و هاي كتاب عجيييب كان عبارة عن مسابقة لرسم المانجا عن قطر
و الفايزين تيمعت أعمالهم في كتاب واحد






و هالفيديو من تصويري لما رحت الجناح الياباني
تنبيه: كنت احرك الكاميرا بسرعة فإذا كنتي مصدعة فلا تتابعين الفيديو خخ


 
Book Fair from Sealed Pearl on Vimeo.

و هنا بعض من مشترياتي



^_^

الاثنين، 10 ديسمبر 2012

: P R I N C E S S E S :


السلام عليكم و رحمة الله و بركاته


أمس قدرت اروح لمعرض الأميرات في فندق الشيراتون

كان فيه أشياء متعددة مثل العبايات و الدراعات و من هالشغلات
(إذا تبين اتشوفينهم ادخلي على هالرابط من مدونة ميسز هز لاست نيم)

بس سبب زيارتي له عشان المأكولات من صنع أيادي قطرية
هع



يباع في "تيستي" مربى و أجبان لذيذة


النكهات المختلفة للمربى هي: التين (المفضل عندي) - الفراولة - الأناناس
التوت البري كالآتي:
Blueberry & Raspberry
 
 
الجبن اللي كنت ابي اشتريه (بالرمان) خلص T^T
بس إن شاء الله اطلب من عندها هع

 
 

 حالياً هي امسوية عرض خاص لمدة أسبوع
اتبيع 4 علب من المربى ب 100 ريال


الإنستقرام مالها


الإنستقرام لمعرض الأميرات أو أميرات قطر


الأربعاء، 28 نوفمبر 2012

:: UPSIDE DOWN ::

السلام عليكم عزيزاتي

 كلنا شفنا الطرق المختلفة لتنظيف فرش المكياج و فوائدها

المهم حبيت اوريكم طريقتي في الحفاظ على شكلهم بعد الغسيل




شريت رف سلك خاص بأدوات المطبخ من دايسو

بسبع ريال و ممكن يستعمل لأي شيء 

 اما الحين اعلق فيه الفرش بالمقلوب بإستخدام بعض

إكسسوارات الشعر

إن شاء الله اعجبتكم طريقتي العجيبة

ههههه

الأربعاء، 21 نوفمبر 2012

BARRY M :: COSMETICS


إكتشاف متأخر لكنه وايد حلووووو

 لقيت مستحضرات التجميل لـ

Barry M Cosmetics

في صيدلية بوتس


حبيت هاللون من اللب ستيك 
إي أنا من النوع اللي اتصور أي شي اللي
يعجبها في أي محل ههه


احم احم و هاذي من بعض مشترياتي من باري ام
شريت نفس اللون اللي شفته أول مرة


و شريت هذا لأني حسيت انه ينفع حق شكل
الـ smokey eye look
و ألوانه عجيبة: خليط بين لون الباذنجان مع التركواز







أسماء و أسعار المنتجات ^_^


رابط الموقع الخاص لـ باري ام

http://www.barrym.com/


الأربعاء، 14 نوفمبر 2012

: ACRYLIC ORGANIZERS :

السلام عليكم و رحمة الله و بركاته.

اليوم رحت لمحل الشاهين في فريج بن عمران
(مقابل مستشفى الأهلي)

لأني كنت ابحث عن "منظم المكياج" من مادة الأكرليك
و ما لقيت اللي أبيه لا من دايسو و لا هوم سنتر و لا هومز آر أس.
(كنت ابي الكبير و على شكل ادراج بس كلهم كانوا صغار)

أحلى شي اني جيت في الوقت اللي في عندهم تنزيلات هع

أترككم مع الصور و اضغطوا عليها للتكبير






























الاثنين، 22 أكتوبر 2012

: L`Occitane Red Rice :


السلام عليكم و رحمة الله و بركاته

حبيت اعرض تجربتي مع بعض مستحضرات العناية بالبشرة من لوكسيتان
أنا بشرتي مختلطة/دهنية: دهنية عند الجبين و الأنف
 (T-zone أو ما يسمى بالـ)
و جافة عند بقية أجزاء الوجه, فالبتالي اخترت مجموعة
 الأرز الأحمر المناسبة لنوع بشرتي.



نبدأ بغسول الوجه..
 ماشاء الله الغسول لطيف جداً و يتحول لرغوة بسرعة بس حسافة كنت
 استخدم كمية كبيرة و هذا غلط و هالشي خلاني اخلصه بسرعة خخ
 بعد الإستعمال بشرتي اتكون ناعمة
(لأنه خالي من الصابون)
 و احس ان جلدي نظيف و نضر ^_^
ينفع بعد لغسل المكياج من على الوجه.

للأسف ما اتذكر سعره بس مب وايد غالي.
تقييمي له: ممتاز و يستحق الشراء مراراً و تكراراً هع






الصراحة أنا ما استخدم أي تونر لأني احس انه ما يسوي لبشرتي شي و السبب الثاني اني كنت أكرههم لأن
 معظمهم مادري اشلون اتكون فيهم ريحة قوية مثل الدواء او الكحول و عيوني تحرقني.
 المهم شريته عشان كنت ابي الاقي شي طبيعي يحل لي مشكلة الدهون على وجهي.

تقييمي: عادي و حلو لأنه ما في ريحة قوية لكن ممكن استغني عنه
سعره 99 ريال قطري



أهم شي ترطيب البشرة بعد الغسول.
 طلع خفيف و يترك البشرة ناعمة و غير دهنية بحيث ان سطح الجلد يكون مطفي .
  هو مثل الغسول, يحتاج بس انطلع كمية بسيطة و نستخدمها

 (طبعاً مو مثل ما سويت في الصورة ههه). 

ما اتذكر السعر >.<"
تقييمي: رااائع





قناع الأرز الأحمر.. ريحته اتلوع الجبد و ما ينغسل بكل سهولة
 لكن النتيجة رائعة مثل الغسول.

ما اتذكر السعر.
تقييمي: رائع


تتميز هاذي المجموعة بأنها خالية من:

 البارابين      Parabens
كحول الفينيل  Phenyol alcohol
المكونات الحيوانية  Animal ingredients
الملونات   Synthetic colorants
الفورمول و مشتقاته  formol or formaldehyde
التريكلوسان  Triclosan
ال BHA ال BHTوال EDTA
(مع ان الغسول فيه مادة السيلفايت sulfate)
:/



أخيراً, أوراق لإزالة الدهون. طبعاً إذا كنا في بيئة فيها حر و رطوبة لازم
 تطلع أشياء عجيبة من الوجه هههه فما بنقدر انقول ان الأوراق ما تنفع. 

ما اتذكر سعره بالضبط بس اذكر اني تضايقت لأنه غالي و الكمية قليلة.
تقييمي: عادي و ممكن نشتري اي شي بسعر اقل و يعطي نفس النتيجة


هذا الرابط لمجموعة الأرز الأحمر الكاملة و بتلاحظون ان في شي معين ما شريته هع (بس جذي) تفضلوا:


محل لوكسيتان موجود في فيلاجيو و في رويال بلازا و اللاندمارك

دمتم سالمين :D